དྲིས་ལན།

༄༅། །སྟོན་པ་ཡེ་ཤུའི་ཆོས་ལུགས་ཀྱི་དྲིས་ལན་བཞུགས་སོ། །

基督教相关问题与回答

[0.1] མི་ཚེའི་སྐོར་འདྲི་བ་གལ་ཆེན་མང་པོ་ཡོད། དཔེར་ན་འཇིག་རྟེན་ཁམས་གང་ནས་བྱུང༌། མིའི་རིགས་ཀྱི་བྱུང་ཚུལ་དེ་ཅི་ཡིན། མི་རྣམས་ཅིའི་ཕྱིར་སྡུག་བསྔལ་མྱོང༌། འཆི་བའི་རྗེས་སུ་ཅི་འབྱུང་བར་འགྱུར། དཀོན་མཆོག་སུ་ཡིན། དེང་སང་གི་བོད་པ་རྣམས་འདྲི་བ་འདི་ཚོའི་ལན་ནི་ཡེ་ཤུའི་ཆོས་ལུགས་ཀྱི་སྒོ་ནས་ཤེས་པར་འགྱུར།

[0.1] 关于生命，有很多问题难得其解：世界如何开始？人类来自何处？人们为何经受苦难？人死后会怎样？神是谁？如今，藏民可以通过基督教了解这些问题的答案。

[0.2] ཡེ་ཤུའི་ཆོས་ལུགས་ནི་འཛམ་གླིང་གི་ཆོས་ལུགས་ཆེ་ཤོས་ཡིན། འཛམ་གླིང་ལ་སྟོན་པ་ཡེ་ཤུ་མཱ་ཤི་ཀ་ལ་དད་པ་བྱེད་མཁན་ཐེར་འབུམ་གཉིས་ལས་མང་བ་ཡོད་ཅིང༌། ཁོ་རྣམས་ཀྲུང་གོ་ཚུད་པའི་རྒྱལ་ཁབ་ཐམས་ཅད་དུ་ཁྱབ་ཡོད། ཀྲུང་གོར་སྟོན་པ་ཡེ་ཤུ་ལ་དད་མཁན་དུང་ཕྱུར་གཅིག་ཙམ་ཡོད། ཁོ་ཚོའི་ནང་ནས་བོད་རིགས་དང་སོག་རིགས་ཀྱི་དད་ལྡན་པའང་ཡོད། སྟོན་པ་ཡེ་ཤུའི་རྗེས་སུ་འབྲང་མཁན་ཡིན་ན་ཁུངས་གང་ནས་ཡིན་པ་ལ་རགས་མ་ལས། དེ་དང་འདྲ་བར་ནང་པ་ཞིག་ཡིན་ན་བོད་རིགས་ཡིན་པའི་ངེས་པ་མེད། དེས་ན་བོད་རིགས་ཡིན་ན་ནང་པ་ཡིན་པའི་ངེས་པ་མེད། མི་རིགས་ཀྱི་ཁྱད་པར་མེད་པར་མི་སུ་འདྲ་ཞིག་ཡིན་རུང༌། སྟོན་པ་ཡེ་ཤུ་ལ་དད་ན་ཆོག

[0.2] 基督教是世界上最大的宗教。全世界约有22亿信徒，他们生活在包括中国在内的各个国家。中国的基督徒，包括藏族信徒和蒙古族信徒在内约有1亿。无论来自哪里,都能跟随耶稣。不一定只有藏族人才能成为佛教徒，而藏族人也不一定都是佛教徒。每一个人，无论何种民族，都能信仰耶稣。

[0.3] ལོ་ངོ་ཉིས་སྟོང་གི་སྔོན་ལ་སྟོན་པ་ཡེ་ཤུ་ནི་ཨེ་ཞེ་ཡ་ནུབ་ཕྱོགས་སུ་སྐུ་འཁྲུངས། ཁོང་གིས་སྡིག་ཉེས་སེལ་བ་དང༌། དཀོན་མཆོག་ལ་དད་པ་བྱེད་པའི་སྒོ་ནས་དཔག་ཏུ་མེད་པའི་ཚེ་འཐོབ་པའི་སྐོར་བསྟན་པར་མཛད། དྲིས་ལན་འདིའི་བརྗོད་དོན་ནི་སྟོན་པ་ཡེ་ཤུའི་ཆོས་ལུགས་ཡིན། དཀོན་མཆོག་སུ་ཡིན། དཀོན་མཆོག་དང་ནང་པའི་ཆོས་ཀྱི་དཀོན་མཆོག་གསུམ་གཅིག་པ་ཡིན་ནམ། སྟོན་པ་ཡེ་ཤུ་ལ་དད་པ་བྱས་ན་ཕན་ཐོག་གང་ཡོད་དམ། སྟོན་པ་ཡེ་ཤུ་ལ་ཇི་ལྟར་དད་པ་བྱས་ནས་རྗེས་སུ་འབྲང་ངམ།

[0.3] 大约二千年前，主耶稣降生在西亚。他教导人们通过信仰神来饶恕罪恶，获得无穷的生命。这个“问与答”的主题就是基督教。神是谁？他与佛教中的三皈依是否相同？成为耶稣的跟随者有什么益处？如何信仰耶稣并跟随他？

[1.1] དྲི་བ། དཀོན་མཆོག་སུ་ཡིན་ནམ།

[1.1] 问：神是谁？

[1.2] ལན། དཀོན་མཆོག་ནི་འཇིག་རྟེན་ཁམས་དང་དེར་ཡོད་པ་ཐམས་ཅད་ཀྱི་འགོད་པ་པོ་ཡིན་ནོ། ཁོང་ལ་ཐོག་མཐའ་མེད་པ་ཡིན། ཁོང་མུ་མཐའ་མེད་པ་དང༌། འགྱུར་བ་མེད་པ་ཡིན། ཁོང་ནི་གང་ཡོད་པ་ཐམས་ཅད་ཀྱི་འབྱུང་ཁུངས་ཡིན་པས། འཇིག་རྟེན་ཁམས་ལ་ཡོད་པ་ཐམས་ཅད་ཀྱིས་ཁོང་ལ་རྟེན། ཁོང་གིས་མི་དང་གནས་ལུགས་ཐམས་ཅད་གཟིགས་པས་ཀུན་མཁྱེན་ཡིན། དཀོན་མཆོག་མཐོང་མི་སྲིད་ཀྱང༌། དུས་རྟག་ཏུ་གང་སར་བཞུགས། ཁོང་ནི་དམ་པ་དང་དྲང་བདེན་ཡིན་པས། སྡིག་ཉེས་ནས་ཡོངས་སུ་འབྲལ་བ་ཡིན། དཀོན་མཆོག་ནི་ཡེ་ཤུ་མཱ་ཤི་ཀའི་ཡབ་ཡིན། ཁོང་ལ་གཙོ་བོ་དཀོན་མཆོག་གམ། ཡ་ཝེ་དཀོན་མཆོག དབང་ཀུན་དང་ལྡན་པའི་དཀོན་མཆོག བླ་ན་མེད་པའི་དཀོན་མཆོག་ཀྱང་ཟེར། དབང་ཀུན་དང་ལྡན་པའི་དཀོན་མཆོག་གཉིས་ཡོད་མི་སྲིད་པས། ཡ་ཝེ་དཀོན་མཆོག་གཅིག་པོ་དཀོན་མཆོག་ངོ་མ་ཡིན།

[1.2] 答：神是宇宙及其中所有的创造主。他是起初的，也是末后的。他是无限的，永不改变。他是万有的起源，万物都依靠他。他监察万物，知晓万事。尽管不能看见神，但他充满全地。他圣洁、公义，远离罪恶。神是耶稣基督的父亲。他还被称为主耶稣，耶和华神，全能神以及至高神。全能者只有一位，因此，全能神是唯一的真神。

[1.3] དྲི་བ། སྟོན་པ་ཡེ་ཤུ་མཱ་ཤི་ཀ་སུ་ཡིན་ནམ།

[1.3] 问：耶稣基督是谁？

[1.4] ལན། སྟོན་པ་ཡེ་ཤུ་མཱ་ཤི་ཀ་ནི་དཀོན་མཆོག་གི་སྲས་དང་མི་རིགས་ཐམས་ཅད་ཀྱི་སྐྱབས་མགོན་ཡིན་ཏེ། ལོ་ངོ་ཉིས་སྟོང་གི་སྔོན་དུ་ཡི་སི་ར་ཨེལ་ཞེས་ཟེར་བའི་ཡུལ་དུ་སྐུ་འཁྲུངས། ཁོང་ནི་ཡ་ཧུ་དཱ་མི་རིགས་ཀྱི་ཡོངས་སུ་གྲགས་པའི་སྟོན་པ་ཞིག་ཡིན། ཁོང་ལ་ཉེ་གནས་བཅུ་གཉིས་དང་རྗེས་སུ་འབྲང་མཁན་མང་པོ་ཡོད། ཁོ་ཚོའི་ནང་ནས་མི་ཁ་ཤས་ཀྱིས་ཁོང་གི་གསུང་ནི་ཞལ་ཆད་གསར་པ་ཞེས་ཟེར་བའི་དཔེ་དེབ་ཏུ་བཀོད། སྟོན་པ་ཡེ་ཤུས་དགེ་བ་གསོག་པ་དང༌། ཆོས་ཀྱི་ཆོ་ག མིའི་ལུགས་སྲོལ་སོགས་དཀོན་མཆོག་གི་སྤྱན་སྔར་ཐར་པ་འཐོབ་པའི་ཕྱིར་ཕན་མེད་ཡིན་པར་གསུངས། ཁོང་གི་གསུང་ལྟར་དཀོན་མཆོག་ལ་བསྙེན་བཀུར་ཞུ་འདོད་མཁན་གྱིས་བྱ་བ་དེ་རྣམས་ཀྱི་ཚབ་ལ་གཙོ་བོ་དཀོན་མཆོག་ལ་བློ་གཅིག་སེམས་གཅིག་དང་ནུས་པ་ཅི་ཡོད་ཀྱིས་བརྩེ་བར་བཟུང་སྟེ། རང་ལས་གཞན་རྣམས་ལ་བྱམས་པ་བྱེད་དགོས། སྟོན་པ་ཡེ་ཤུས་གལ་ཏེ་མི་ཞིག་གིས་རང་ཉིད་སྡིག་ཉེས་ཅན་ཡིན་པར་ཁས་ལེན་བྱས་ཏེ་སྤྱོད་པ་ངན་པ་རྣམས་སྤངས་ནས་སེམས་བསྒྱུར་ན། དཀོན་མཆོག་གིས་ཁོའི་སྡིག་ཉེས་སེལ་ངེས་ཡིན་པར་གསུངས། ཡེ་ཤུ་ལ་དད་པ་རྣམས་ཞི་བདེ་དང་དགའ་སྤྲོའི་ངང་ནས་དཀོན་མཆོག་དང་དུས་གཏན་དུ་གནས་པར་འགྱུར་ངེས་ཡིན། འོན་ཀྱང་ཁོང་གིས་དཀོན་མཆོག་ལ་ངོ་རྒོལ་བྱེད་མཁན་ཐམས་ཅད་དཀོན་མཆོག་དང་ཁ་བྲལ་ཏེ་དམྱལ་ཁམས་སུ་དུས་རྟག་ཏུ་གནས་དགོས་པར་གསུངས། དེ་ལྟར་གསུངས་པའི་དབང་ཆ་ཡོད་པ་མཚོན་པའི་ཕྱིར་ཁོང་གིས་ངོ་མཚར་ཅན་གྱི་མཛད་པ་མང་པོ་བསྟན། དཔེར་ན་དཀོན་མཆོག་གི་ནུས་མཐུའི་སྒོ་ནས་ཁོང་གིས་ནད་རིགས་མི་འདྲ་བའི་ནད་པ་མང་པོ་བཅོས་གནང་བ་དང༌། གདོན་འདྲེ་མང་པོ་བསྐྲད་པ། གཤིན་པོ་རྣམས་འཆི་བ་ལས་བསླངས་པ་ལ་སོགས་པའི་འཕྲིན་ལས་མཛད།

[1.4] 答:耶稣是神的儿子，是世界的救主。他出生于2000年前一个名叫以色列的国家，是犹大一位著名的夫子。他拥有十二个门徒和众多的追随者。其中的一些人将他的教导记录在新约之中。主耶稣曾经说过,功德，宗教仪式以及人的传统对于带领人们来到神面前并没有任何益处。他教导说，想要敬拜神的人必须尽心、尽意、尽力爱神；且要爱人过于爱己。耶稣曾这样讲过：任何人，只要承认自己是个罪人，并从他所做的坏事中悔改，神就必然饶恕他的罪。那些相信耶稣的人将会与神共享平安喜乐，直到永远。但是他也说过，那些违背神的人将与神隔绝，永远待在地狱里。为了表明自己有说这些话的权利，主耶稣行了许多神迹奇事，例如医治病人，驱赶恶魔，让死人从死里复活。

[1.5] དྲི་བ། ཡེ་ཤུའི་ཆོས་ལུགས་ཀྱི་དཀོན་མཆོག་དང་ནང་པའི་ཆོས་ཀྱི་དཀོན་མཆོག་གསུམ་དབར་ཁྱད་པར་ཅི་ཡོད།

[1.5] 问:基督教的神与佛教的三皈依有什么区别?

[1.6] ལན། ནང་པའི་ཆོས་ལུགས་ཀྱི་དཀོན་མཆོག་གསུམ་ནི་སངས་རྒྱས་དང་གཅིག ཆོས་དང་གཉིས། དགེ་འདུན་དང་གསུམ་ཡིན། འོན་ཀྱང་ཡེ་ཤུའི་ཆོས་ལུགས་ཀྱི་དཀོན་མཆོག་ནི་དཀོན་མཆོག་གཅིག་རང་ཡིན་ཏེ། ཡབ་དཀོན་མཆོག་དང༌། སྲས་དཀོན་མཆོག དམ་པའི་ཐུགས་ཉིད་བཅས་ཡིན་ལ། གསུམ་པོ་དེ་གཅིག་པ་མ་ཡིན་ཡང༌། ངོ་བོ་གཅིག་རང་ཡིན། ཡབ་དཀོན་མཆོག་ནི་སྲས་དཀོན་མཆོག་སྟེ་ཡེ་ཤུ་མཱ་ཤི་ཀའི་ཡབ་དང༌། ཡེ་ཤུ་མཱ་ཤི་ཀ་ནི་ང་ཚོ་སྡིག་ཉེས་ཀྱི་ཆད་པ་ལས་ཐར་བར་མཛད་པའི་ཕྱིར་འཛམ་གླིང་འདིར་ཕེབས་པ། དམ་པའི་ཐུགས་ཉིད་དཀོན་མཆོག་ནི་ཡེ་ཤུ་ལ་དད་པ་བྱེད་མཁན་ཐམས་ཅད་ཀྱི་སེམས་ལ་བཞུགས་པ་དེ་རྣམས་ཡིན། དེ་ནི་ནང་པའི་ཆོས་ཀྱི་དཀོན་མཆོག་གསུམ་དང་མི་མཚུངས་པ་གསལ་པོར་སྟོན། དཀོན་མཆོག་ནི་ལྷའམ། བྱང་ཆུབ་སེམས་དཔའ་མ་ཡིན། ཁོང་མུ་མཐའ་མེད་པ་ཡིན་པས་མི་རྣམས་ཀྱིས་བཟོ་ཐུབ་པའི་སྐུ་འདྲ་དང་རྩ་བ་ནས་མི་འདྲ།

[1.6] 答：佛教的三皈依指皈依佛、法和僧。但是基督教的神是一体的；圣父，圣子，圣灵。尽管神有三个不同的方面，但他们的属性全然相同。天父是耶稣基督的父亲。耶稣基督来到这个世上，救我们脱离罪的惩罚。圣灵是内住在相信耶稣之人心中的神。这清楚地表明神与佛教的三皈依完全不同。神不是一个偶像或菩萨。他是永恒的，完全不同于人手所造的偶像。

[1.7] དྲི་བ། འཇིག་རྟེན་ཁམས་གང་ནས་བྱུང་བ་ཡིན།

[1.7] 问：世界是怎样起源的?

[1.8] ལན། ཐོག་མར་དཀོན་མཆོག་གིས་ཐམས་ཅད་གསར་དུ་བཀོད་གནང༌། ཁོང་གིས་གནམ་ས་གཉིས་དང༌། ཉི་ཟླ། མཚན་མོ་ང་ཚོས་མཐོང་ཐུབ་པའི་སྐར་མ་བཅས་མཛད། ཁོང་གིས་བོད་ཡུལ་གྱི་གངས་རི་དང་བྱང་ཐང༌། གཙང་པོ་དང་མཚོ། རྟ་ནོར་ལུག་གསུམ་ལ་སོགས་པའི་ཕྱུགས་རིགས་དང་སེམས་ཅན་གཞན། བོད་རིགས་ཚུད་པའི་འཛམ་གླིང་གི་མི་རིགས་ཐམས་ཅད་ཀྱང་བཀོད་པར་མཛད།

[1.8] 答:起初，神创造一切所有。他创造了天空和大地，太阳和月亮以及我们夜晚所见的众星。他也创造了西藏所有的雪山和北部的平原，其中的河流与湖泊，牦牛与羊群以及其他的动物，他创造了世上所有的人类，包括藏民。

[1.9] དྲི་བ། མིའི་རིགས་གང་ནས་བྱུང་བ་ཡིན།

[1.9] 问：人类来自哪里？

[1.10] ལན། ཐོག་མར་དཀོན་མཆོག་གིས་རང་ཉིད་དཔེ་རུ་བྱས་ཏེ་མི་གཉིས་བཟོ་བར་མཛད། རང་ཉིད་དང་འགྲོགས་པའི་ཆེད་དང༌། སྐྱིད་པོ་དང་དམ་པར་འགྱུར་བའི་ཕྱིར་ཁོང་གིས་སྐྱེས་པ་ཞིག་དང་བུད་མེད་ཅིག་མཛད། དཀོན་མཆོག་དང་འདྲ་བར་མི་དེ་གཉིས་ལ་བསམ་བློ་གཏོང་ཐུབ་པའི་སེམས་ཡོད་ཅིང༌། ཉིན་ལྟར་དཀོན་མཆོག་དང་བཀའ་མོལ་ཞུས། མིའི་རིགས་ནི་དཀོན་མཆོག་དང་འབྲེལ་བ་ཡང་དག་པ་ཡོང་བའི་ཆེད་དུ་མཛད། ཁོང་གི་སྤྱན་སྔར་མི་རྣམས་ནི་གལ་ཆེན་ཡིན།

[1.10] 答：起初，神按照自己的形象造了两个人。他创造了一个男人和一个女人，并与他们有亲密的关系，他们快乐而又圣洁。如同神一样，这两个人拥有思想，能够思考；他们每天与神对话。神创造人类是为了让他们与自己有一个良好的关系。人类在神的眼中极为重要。

[2.1] དྲི་བ། གལ་ཏེ་དཀོན་མཆོག་གིས་ཐོག་མར་མི་རྣམས་སྐྱིད་པོ་དང་དམ་པར་འགྱུར་བའི་ཆེད་དུ་བཀོད་པར་མཛད་ན། དེང་སང་སྡུག་བསྔལ་ཡུལ་གྲུ་གང་སར་ཡོད་པ་དེ་ཅི་ཡིན།

[2.1] 问：如果神起初创造的人类是圣洁的，快乐的，为什么如今到处都是苦难？

[2.2] ལན། དཀོན་མཆོག་ནི་བྱམས་སེམས་དང་ལྡན་པའི་ཡབ་དང་འདྲ་བ་ཞིག་ཡིན། ཁོང་གིས་སྐྱེས་པ་དང་བུད་མེད་ཐོག་མར་མཛད་སྐབས་འཆི་བ་ལས་སྐྱོབ་པའི་ཕྱིར་ཁོ་གཉིས་ལ་བཀའ་རྒྱ་ཞིག་གནང༌། འོན་ཀྱང་དཀོན་མཆོག་གི་བཀའ་ལ་མ་ཉན་པར་རང་འདོད་བྱས་པས་མི་དེ་གཉིས་སྡིག་ཉེས་ཅན་དུ་གྱུར། དུས་དེ་ནས་བཟུང་མི་ཐམས་ཅད་ལ་སྡིག་པའི་རང་གཤིས་ཡོད་པས། སྡིག་པ་ནས་སྡུག་བསྔལ་དང་འཆི་བ་འབྱུང༌།

[2.2] 答：神如同一位慈爱的父亲。当他创造第一个男人和女人时，他赐给他们一个诫命，为要使他们免于死亡。但是，这两个人违背了神的命令，喜爱自己的道路胜过神的道路，从而成为了罪人。从那时开始，所有的人类都有了罪性；从罪中生出苦难与死亡。

[2.3] དྲི་བ། སྡིག་ཉེས་ཀྱི་དོན་ཅི་ཡིན།

[2.3] 问：什么是罪？

[2.4] ལན། སྡིག་ཉེས་ནི་དཀོན་མཆོག་གི་བཀའ་ལ་མ་ཉན་པ་དེ་ཡིན། དཔེར་ན་མི་སྲོག་གཅོད་པ་དང༌། ལོག་གཡེམ། ཕ་མ་གཉིས་ལ་བཀུར་སྟི་མི་བྱེད་པ། བག་མེད་སྤྱོད་པ། ལྷ་ལ་རྟེན་པ། མཐུ་སྔགས། སྡང་སེམས། འཁྲུག་རྩོད། ཕྲག་དོག ཁོང་ཁྲོ་ལངས་བདེ་བ། འཁོན་སེམས། ར་བཟི་བ། རྫུན་ཤོད་པ་བཅས་སྡིག་ཉེས་ཡིན། དེ་ལྟར་བྱེད་མཁན་དཀོན་མཆོག་དང་འབྲེལ་བ་ཡང་དག་པ་མེད།

[2.4] 答：罪就是违背神的诫命。比如谋杀，奸淫，不尊重父母，胡作非为，拜偶像，行巫术，仇恨，争斗，嫉妒，易怒，羡慕，醉酒，撒谎。行这些事的人无法与上帝建立良好的关系。

[2.5] དྲི་བ། མི་ཐམས་ཅད་ཀྱིས་སྡིག་ལས་བྱེད་མྱོང་ངམ།

[2.5] 问：所有的人都犯了罪吗？

[2.6] ལན། བྱེད་མྱོང༌། མི་ཐམས་ཅད་ལ་སྡིག་ཉེས་ཀྱི་རང་གཤིས་ཡོད་པས་ཐམས་ཅད་ཀྱིས་སྡིག་ཉེས་བྱེད་མྱོང༌། མི་འོས་པའི་བསམ་པའམ། སྐད་ཆའམ། བྱ་བའི་སྒོ་ནས་ང་ཚོས་ཉིན་ལྟར་སྡིག་ཉེས་གསོག་ཅིང༌། བླ་ན་མེད་པའི་དཀོན་མཆོག་ལ་ཕོག་ཐུག་གཏོང༌། དེའི་ཕྱིར་ང་ཚོ་དཀོན་མཆོག་དང་རྒྱང་རིང་དུ་གནས།

[2.6] 答：是的，人都有原罪，所以我们都犯了罪。我们每天都因不配的想法、话语或行为得罪神，因此，我们都与神的荣耀隔绝开来。

[2.7] དྲི་བ། སྡིག་ཉེས་ཀྱི་འབྲས་བུ་དེ་ཅི་ཡིན།

[2.7] 问：罪的结局是什么？

[2.8] ལན། སྡིག་ཉེས་ཀྱི་འབྲས་བུ་ནི་འཆི་བ་ཡིན། ཡོངས་སུ་རྫོགས་པའི་དྲང་བདེན་ཉིད་དང་ལྡན་པའི་དཀོན་མཆོག་སྡིག་ཉེས་ལ་སྡང༌། མཐའ་མའི་ཉིན་མོར་ཁོང་གིས་སྡིག་ཉེས་ཅན་ཐམས་ཅད་ལ་ཁྲིམས་གཅོད་གཏོང་ངེས་ཡིན། འཇིགས་སྐྲག་དང་ལྡན་པའི་སྡིག་ཉེས་ཀྱི་ཉེས་ཆད་ནི་དཀོན་མཆོག་དང་བྲལ་ཏེ་དུས་གཏན་དུ་དམྱལ་ཁམས་སུ་སྡུག་བསྔལ་མྱོང་དགོས་པ་དེ་ཡིན། མི་ཐམས་ཅད་ཀྱིས་རྐང་བཙུགས་ནས་སྡིག་ཉེས་ཀྱི་ལས་བྱེད་པས་དཀོན་མཆོག་དང་འབྲེལ་བ་ཡང་དག་པ་མེད། དེའི་ཕྱིར་ང་ཚོར་མིའི་རིགས་དང་དཀོན་མཆོག་གི་འབྲེལ་བ་གསོ་བར་མཛད་ཐུབ་པའི་བར་མི་ཞིག་དགོས།

[2.8] 答：罪的结局乃是死。神是全然公义的，他憎恶罪恶。在末日的那天，他会审判一切罪人。罪最可怕的惩罚乃是与神隔绝，在地狱里经受永远的苦难。我们都犯了罪，所以与神隔绝。因此，我们需要一位中保来修复人类与神的关系。

[2.9] དྲི་བ། དཀོན་མཆོག་གི་ཁྲིམས་གཅོད་ལས་ཐར་བའི་ལམ་ཡོད་དམ།

[2.9] 问：有没有逃离神审判的方法?

[2.10] ལན། ཡོད། ཡེ་ཤུ་མཱ་ཤི་ཀ་ང་ཚོའི་བར་མི་ཡིན་པས། གལ་ཏེ་ང་ཚོས་སྤྱོད་པ་ངན་པ་རྣམས་སྤངས་ནས་སེམས་བསྒྱུར་ཏེ་ཁོང་ལ་དད་པ་བྱས་ན། སྡིག་ཉེས་ཀྱི་ཆད་པ་ལས་ཐར་བར་འགྱུར་བ་མ་ཟད། དཀོན་མཆོག་གི་མདུན་དུ་དུས་གཏན་དུ་བཞུགས་ངེས་ཡིན།

[2.10] 答：有。耶稣基督就是我们的中保，我们若悔改自己的罪，相信他，就能脱离罪的惩罚，与神同活。

[2.11] དྲི་བ། ཡེ་ཤུ་མཱ་ཤི་ཀ་ནི་མི་ངོ་མ་ཡིན་ནམ།

[2.11] 问：主耶稣是一个真正的人吗？

[2.12] ལན། ཡིན། ཡེ་ཤུ་མཱ་ཤི་ནི་ང་ཚོའི་སྡིག་ཉེས་ཀྱི་ཉེས་ཆད་ལས་སྐྱོབ་པའི་ཕྱིར་མི་ཡི་རྣམ་པར་འཇིག་རྟེན་འདིར་སྤྱི་ལོའི་དུས་རབས་དང་པོར་སྐུ་འཁྲུངས་པ་ཡིན། ཁོང་ནི་ཡི་སི་ར་ཨེལ་ཡུལ་གྱི་བྱང་ཕྱོགས་ག་ལིལ་གྱི་ས་ཆར་ཡབ་ཡོ་སེབ་དང་ཡུམ་མིར་ཡམ་གྱི་ཁྱིམ་ཚང་དུ་འཚར་ལོངས་བྱུང་ཞིང༌། དགུང་ལོ་སུམ་ཅུའི་སྐབས་སུ་ཁྲུས་གསོལ་མཁན་ཡོ་ཧ་ནན་ཞེས་ཟེར་བའི་ལུང་སྟོན་པ་ཡིས་ཁོང་ལ་ཡོར་དན་གཙང་པོར་ཁྲུས་གསོལ་གནང༌། ཆོས་ཀྱི་སློབ་དཔོན་སྙན་གྲགས་ཆེན་པོ་ཞིག་ཏུ་གྱུར་ནས་ཡེ་ཤུ་མཱ་ཤི་ཀས་དཀོན་མཆོག་དང༌། སྡིག་པ། ང་ཚོ་སྡིག་པའི་ཉེས་ཆད་ལས་སྐྱོབ་པའི་ཆེད་དུ་གང་ཞིག་བྱེད་དགོས་པའི་སྐོར་གསུངས། ཁོང་གིས་ཡབ་དཀོན་མཆོག་གིས་ཁོང་ལ་གང་ཞིག་མཛད་པ་དང་གསུང་བ་ཁོ་ན་མཛད། དཀོན་མཆོག་གི་མདུན་ནས་ཡོང་བར་སྟོན་པའི་ཕྱིར་ཁོང་གིས་ནད་པ་དང་གདོན་འདྲེས་ཟིན་པའི་མི་གསོ་བར་མཛད་ཅིང༌། གཤིན་པོ་རྣམས་སླར་གསོན་དུ་སྒྱུར་བ་ལ་སོགས་པའི་ངོ་མཚར་ཆེ་བའི་མཛད་པ་མང་པོ་བསྒྲུབས་པའོ། །

[2.12] 答：是的。耶稣基督道成肉身，于公元一世纪降生在这个世上，为要救我们脱离罪的惩罚。他在以色列北部加利利地区的一个家庭里长大，父亲叫约瑟，母亲叫马利亚。在他三十岁时，一个名叫约翰的施洗者在约旦河为他施洗。此后，他成为了当地一位著名的夫子，专门教导关于神和罪的事情，并教导我们如果要脱离罪的惩罚需要做什么。主耶稣只教导天父让他教导的话，只行天父让他去行的事。为了表明自己是从神来的，他行了许多神迹奇事，例如医治病人和让死人从死里复活。

[2.13] དྲི་བ། ཡེ་ཤུ་མཱ་ཤི་ཀ་ཇི་ལྟར་གྲོངས་སམ།

[2.13] 问：主耶稣是怎么死的？

[2.14] ལན། ཡི་སི་ར་ཨེལ་ཡུལ་གྱི་དཔོན་རིགས་ཀྱིས་ཁོང་གི་གསུང་དང་ལེན་མ་བྱས་པས་ཁོང་རྒྱང་ཤིང་སྟེང་གཟེར་བརྒྱབ་ནས་གསོད་རྒྱུར་ཐག་གཅོད་བྱས། ངེད་རྣམས་ཀྱི་སྡིག་ཉེས་ཀྱི་ཉེས་ཆད་ང་ཚོའི་ཚབ་ལ་མྱོང་ཞིང༌། ང་ཚོ་དཀོན་མཆོག་གི་ཁྲིམས་གཅོད་ལས་སྐྱོབ་པའི་ཆེད་དུ་ཡེ་ཤུ་མཱ་ཤི་ཀ་རྒྱང་ཤིང་སྟེང་གྲོངས།

[2.14] 答：以色列的祭司长们拒绝他的教导，决定将他钉在十字架上处以死刑。为了我们的罪，他经受惩罚，死在了十字架上，救我们脱离了罪的惩罚。

[2.15] དྲི་བ། ད་ལྟ་ཡེ་ཤུ་མཱ་ཤི་ཀ་གསོན་པོ་ཡིན་ནམ།

[2.15] 问：耶稣基督今天还活着吗？

[2.16] ལན། རྒྱང་ཤིང་སྒང་ལ་གྲོངས་ནས་ཉི་མ་གསུམ་གྱི་རྗེས་སུ་དཀོན་མཆོག་གིས་ཡེ་ཤུ་འཆི་བ་ནས་སླར་གསོན་པར་མཛད། དེ་ལྟར་མཛད་པའི་སྒོ་ནས་དཀོན་མཆོག་གིས་ང་ཚོའི་སྡིག་ཉེས་སེལ་བའི་དམར་མཆོད་དེ་དང་ལེན་མཛད་པར་བསྟན། ཡེ་ཤུ་མཱ་ཤི་ཀ་ནི་དཀོན་མཆོག་གི་ཞིང་ཁམས་སུ་ཡར་ཕེབས་ནས་ད་ལྟ་ཁོང་གི་མི་རྣམས་དབང་དུ་སྒྱུར་ཞིང༌། དཀོན་མཆོག་གི་མདུན་དུ་ཁོ་ཚོའི་དོན་ལ་ཞུ་ངོ་མཛད། དུས་ཀྱི་མཐའ་མའི་ཉིན་མོར་དཀོན་མཆོག་གི་ཞིང་ཁམས་ནས་ཕྱིར་ལོག་ཕེབས་ནས་ཁོང་གིས་ཤི་གསོན་གཉིས་ལ་ཁྲིམས་གཅོད་མཛད་ངེས་ཡིན།

[2.16] 答：他还活着。耶稣死在十字架上的第三天，神让他从死里复活。神这样做，表明他接受了耶稣为我们的罪所献的祭。随后，主耶稣升天。他现在掌管他的百姓，并在神面前为他们代祷。在末后的某一天，他会从天上再临，审判活人死人。

[2.17] དྲི་བ། ཡེ་ཤུ་མཱ་ཤི་ཀ་གྲོངས་ནས་སླར་གསོན་པའི་དོན་ཅི་ཡིན།

[2.17] 问：主耶稣的受死与复活有什么意义？

[2.18] ལན། ཡེ་ཤུ་མཱ་ཤི་ཀ་གྲོངས་ནས་སླར་གསོན་པ་བརྒྱུད་དཀོན་མཆོག་གིས་ང་ཚོ་སྡིག་ཉེས་ཀྱི་ཆད་པ་ལས་ཐར་བའི་ཐབས་ཤིག་གནང༌། ཞལ་ཆད་གསར་པའི་མདོ་ཞིག་ཏུ་བཀོད་པ་ལྟར། དཀོན་མཆོག་གིས་རང་གི་སྲས་གཅིག་པོ་གནང་བ་ཙམ་དུ་འཇིག་རྟེན་གྱི་མི་རྣམས་ལ་བྱམས་པར་མཛད་པས། སྲས་ལ་དད་པ་བྱེད་མཁན་ཚང་མར་འཇིག་པར་མི་འགྱུར་བར་དཔག་ཏུ་མེད་པའི་ཚེ་ཐོབ་ངེས་པའོ་ཞེས་གསུངས། སྤྱོད་པ་ངན་པ་རྣམས་སྤངས་ཤིང་སེམས་བསྒྱུར་ནས་ཡེ་ཤུ་མཱ་ཤི་ཀ་ལ་དད་མཁན་ཡོད་ཚད་ཞི་བདེ་དང་དགའ་སྤྲོའི་ངང་ནས་ཁོང་དང་མཉམ་དུ་དུས་གཏན་དུ་གསོན་པར་འགྱུར་ངེས་ཡིན། ཁོང་གི་གསུང་དང་ལེན་མི་བྱེད་མཁན་རྣམས་དཀོན་མཆོག་དང་བྲལ་ཏེ་དམྱལ་ཁམས་སུ་སྡིག་ཉེས་ཀྱི་ཆད་པ་ཕོག་ངེས་ཡིན།

[2.18] 答：通过主耶稣的受死与复活，神为我们脱离罪的惩罚开通了一条道路。正如新约所记载的：“神爱世人，甚至将他的独生子赐给他们，叫一切信他的，不至灭亡，反得永生。”所有从罪中悔改，并相信主耶稣基督的人，都能与他同享平安喜乐。那些拒绝他教导的人将与神隔绝，并为自己的罪在地狱里受罚。

[2.19] དྲི་བ། སྡིག་ཉེས་ཀྱི་ཉེས་ཆད་ཕོག་པ་ལས་ཐར་བའི་ཕྱིར་ང་ཚོས་ཅི་བྱེད་དགོས།

[2.19] 问：我们需要做什么才能脱离罪的惩罚？

[2.20] ལན། དཀོན་མཆོག་ནི་དྲང་བདེན་གྱི་ཁྲིམས་དཔོན་ཡིན་པས་སྡིག་ཉེས་ཅན་ཐམས་ཅད་ལ་ཁྲིམས་གཅོད་གཏོང་རྒྱུ་ངེས་ཀྱང༌། དེ་ལས་ཐར་བའི་ཐབས་ནི། ངེད་རྣམས་ཀྱིས་སྤྱོད་པ་ངན་པ་རྣམས་སྤངས་ནས་སེམས་སྒྱུར་ལ། ཡེ་ཤུ་མཱ་ཤི་ཀ་ཁོ་ནར་དད་པ་བྱེད་དགོས།

[2.20] 答：尽管神是公义的审判者，必须审判所有的罪人，但仍有一条道路可以得救：悔改自己的罪，单单相信主耶稣。

[2.21] དྲི་བ། བསོད་ནམས་གསོག་པའི་སྒོ་ནས་ང་ཚོ་ཐར་བར་འགྱུར་སྲིད་དམ།

[2.21] 问：积德可以使我们得救吗？

[2.22] ལན། མི་སྲིད་དེ། དཀོན་མཆོག་དཔེ་མི་སྲིད་པའི་དམ་པ་དང་དྲང་བདེན་ཡིན་ལ། ང་ཚོ་སྡིག་ཅན་ཡིན་པས་ངེད་རྣམས་ཀྱིས་གསོག་ཐུབ་པའི་བསོད་ནམས་ནི་དཀོན་མཆོག་གི་སྤྱན་སྔར་མི་འདང་ངོ༌། །

[2.22] 答：不能。因为神全然圣洁，而我们满有罪孽。我们所积累的公德在神的眼中远远不够。

[2.23] དྲི་བ། གལ་ཏེ་ངེད་རྣམས་ཀྱིས་ཡེ་ཤུ་མཱ་ཤི་ཀ་མ་ཟད། སངས་རྒྱས་དང་ལྷ་རྣམས་ལ་དད་པ་བྱས་ན་ཐར་བར་འགྱུར་སྲིད་དམ།

[2.23] 问：如果我们不仅仅相信耶稣，还相信活佛或鬼神，我们也能得救吗？

[2.24] ལན། མི་སྲིད་དེ། ཁོང་ཁོ་ནར་སྡིག་ཉེས་ལས་ཐར་བར་མཛད་པའི་དབང་ཆ་ཡོད་པས་ང་ཚོས་ཡེ་ཤུ་མཱ་ཤི་ཀ་ཁོ་ནར་དད་པ་བྱེད་དགོས།

[2.24] 答：不能，我们必须单单相信耶稣基督，因为只有他才有能力救我们脱离罪恶。

[2.25] དྲི་བ། མི་སུའང་ཐར་བར་འགྱུར་སྲིད་དམ།

[2.25] 问：任何人都可以得救吗？

[2.26] ལན། མི་སུས་ཀྱང་སྤྱོད་པ་ངན་པ་རྣམས་སྤངས་ནས་སེམས་བསྒྱུར་ཏེ་ཡེ་ཤུ་ལ་དད་པ་བྱས་ན་ཐར་པ་དང༌། དཀོན་མཆོག་གི་དཔག་ཏུ་མེད་པའི་ཚེ་འཐོབ་པར་སྲིད། སྟོན་པ་ཡེ་ཤུའི་སྐུ་ཚབ་པའུ་ལུ་ཟེར་མཁན་ནི་སྔར་དཀོན་མཆོག་ལ་སྐུར་བ་འདེབས་མཁན་དང༌། དཀོན་མཆོག་གི་མི་རྣམས་ལ་མནར་གཅོད་གཏོང་མཁན། གདུག་རྩུབ་ཆེ་བའི་མི་ཞིག་ཡིན་ཡང༌། རང་གི་སྡིག་ཉེས་སྤངས་ནས་སེམས་བསྒྱུར་ཏེ་ཡེ་ཤུ་ལ་དད་པ་བྱས་ནས་ཐར་བར་གྱུར། དབང་པོ་སྐྱོན་ཅན་ནམ། ལྕགས་རིགས་ཀྱི་ཡོ་བྱད་བཟོ་མཁན་ནམ། ཤན་པའམ། སྨད་ཚོང་མའམ། ཉ་པའམ། ཡོན་ཏན་ཡོད་པ་དང་མེད་པའམ། ཕྱུག་པོ་དང་དབུལ་པོ་རྣམས་སུས་ཀྱང་ཡེ་ཤུ་ལ་དད་པ་བྱས་ན་ཐར་བར་འགྱུར་སྲིད།

[2.26] 答：是的，只要从罪中悔改并相信耶稣，任何人都能得救，承受永生。耶稣的使徒保罗，曾经是一位亵渎者，是神百姓的迫害者，同时也是一个暴徒，但他从自己的罪中悔改，相信耶稣，最终得救。任何人，无论残疾人，铁匠，屠夫，妓女，渔民，受教育的，没受教育的，富人或穷人，只要相信耶稣，都能得救。

[2.27] དྲི་བ། ཐར་པ་ཐོབ་ན་ཕན་ཐོག་གང་ཡོད་དམ།

[2.27] 问：得救有什么好处？

[2.28] ལན། མི་སུ་ཞིག་གིས་ཡེ་ཤུ་ལ་དད་པ་བྱས་ན། དཀོན་མཆོག་གིས་ཁོའི་སྡིག་ཉེས་སེལ་བར་མཛད། ཉེས་ཅན་གྱིས་སྡིག་ཉེས་ནམ་ཡང་མ་བྱས་པ་ལྟར་དཀོན་མཆོག་ཁོ་ཚོ་ལ་བྱམས་ཤིང༌། ཁོང་གི་དམ་པའི་དགོངས་པ་སྒྲུབ་འདོད་མཁན་དུ་སྒྱུར་བར་མཛད། ཡེ་ཤུ་མཱ་ཤི་ཀ་དཀོན་མཆོག་གི་སྲས་ཡིན་པ་ལྟར་དཀོན་མཆོག་གིས་ཡེ་ཤུ་ལ་དད་མཁན་རྣམས་ཉིད་ཀྱི་སྲས་དང་སྲས་མོ་དང་འདྲ་བར་མཛད། དབང་ཀུན་ལྡན་པའི་ཡེ་ཤུས་གདོན་འདྲེ་དང་ངན་པ་ལས་སྲུང་བར་བྱེད། ཡང་དད་པ་རྣམས་ལ་དཔག་ཏུ་མེད་པའི་ཚེ་འཐོབ་པ་དང་དམ་པའི་ཐུགས་ཉིད་ཁོ་ཚོའི་སེམས་སུ་ཞུགས་པར་འགྱུར།

[2.28] 答：当人相信耶稣时，神就会饶恕这个人的罪。他会爱这个人，如同他从未犯过罪，并帮助这个人去遵行神的旨意。耶稣基督是神的儿子，那些相信耶稣的人也如同神的子女一样。全能的耶稣会保守信徒免受恶灵的攻击，远离罪恶。信徒能承受永生，圣灵会内住在他们心里。

[2.29] དྲི་བ། ཚེ་འདི་ལས་འདའ་བའི་སྐབས་སུ་གང་འབྱུང་ངམ།

[2.29] 问：人死时会发生什么事情？

[2.30] ལན། ཡེ་ཤུ་ལ་དད་པ་རྣམས་ཚེ་འདི་ལས་འདའ་བའི་སྐབས་སུ་གཟུགས་པོ་ནི་ཐལ་བར་འགྱུར་ནའང༌། སེམས་དགའ་སྤྲོ་དང་ཞི་བདེའི་ངང་ནས་དཀོན་མཆོག་གི་མདུན་དུ་མྱུར་བར་འགྲོ དུས་ཀྱི་མཐའ་མའི་ཉིན་མོར་གཟུགས་པོ་སླར་གསོན་པར་མཛད་ངེས་ཡིན་ཞིང༌། དུས་གཏན་དུ་དཀོན་མཆོག་དང་མཉམ་དུ་བཞུགས་པར་འགྱུར། ཡེ་ཤུ་དང་ལེན་མི་བྱེད་མཁན་རྣམས་ནི་ཤི་ནས་དམྱལ་ཁམས་སུ་འཕངས་ནས་དེར་དུས་གཏན་དུ་སྡུག་བསྔལ་མྱོང་དགོས།

[2.30] 答：相信耶稣的人死后，尽管他们的肉体归于尘土，但他们的灵魂会平安喜乐地去到神那里。在末日里，他们的肉体会再次复活，从此与神同住。那些拒绝耶稣的人，则会被扔到地狱里，在那里永远受苦。

[3.1] དྲི་བ། བོད་པ་རྣམས་ཀྱི་ནང་ནས་ཡེ་ཤུ་ལ་དད་མཁན་ཡོད་དམ།

[3.1] 问：有没有藏民相信耶稣？

[3.2] ལན། བོད་རིགས་ཀྱི་ནང་ནས་ཁག་ཅིག་ཡེ་ཤུ་མཱ་ཤི་ཀ་ལ་དད་མཁན་དུ་གྱུར་ཟིན། མདོ་དབུས་ཁམས་གསུམ་དུ་མཱ་ཤི་ཀ་པ་རྣམས་ཀྱི་མི་གྲངས་མང་དུ་འགྲོ་བ་མ་ཟད། ཀྲུང་གོ་དང༌། བལ་ཡུལ། རྒྱ་གར་སོགས་སུ་ཡོད་པའི་བོད་རིགས་མཱ་ཤི་ཀ་པ་ཡང་ཡོད། (ཡེ་ཤུ་པ་ཡང་ཟེར་) རྒྱ་རིགས་ཀྱི་ནང་ནས་སྟོན་པ་ཡེ་ཤུ་ལ་དད་པ་བྱེད་མཁན་ས་ཡ་མང་པོ་ཡོད། ཡེ་ཤུས་ཁྱེད་ཡིད་ཐང་ཆད་པ་དང་ཁུར་ཆེན་གྱིས་གནོན་པ་ཐམས་ཅད་ངའི་རྩར་ཤོག ངས་ཁྱེད་ལ་ངལ་གསོ་སྟེར་བར་བྱ་ཞེས་གསུངས། ཡེ་ཤུ་མཱ་ཤི་ཀས་མི་ཐམས་ཅད་ཉིད་ལ་དད་པ་བྱས་ནས་ཐར་བར་འགྱུར་བར་དགོངས།

[3.2] 答：有些藏民已经相信了主耶稣。在卫藏、安多以及康巴地区，基督徒的人数仍在增加。中国，尼泊尔以及印度都有藏族基督徒。中国人中就有几百万的基督徒。耶稣曾说：“凡劳苦担重担的人，可以到我这里来，我就使你们得安息。”耶稣基督希望所有的人都能相信他，并得救。

[3.3] དྲི་བ། ཡེ་ཤུ་ལ་ཇི་ལྟར་དད་པ་བྱས་ནས་ཐར་པ་འཐོབ་བམ།

[3.3] 问：人要怎样才能相信主耶稣并得救？

[3.4] ལན། བྱེད་དགོས་པ་བཞི་སྟེ། དང་ཐོག་རང་ཉིད་སྡིག་ཉེས་ཅན་ཡིན་པར་ཁས་ལེན་བྱེད་དགོས། སྡིག་པའི་རང་གཤིས་མི་ཀུན་ལ་ཡོད་པས། སྡིག་མེད་ཀྱི་མི་འབྱུང་མི་སྲིད། དེའི་ཕྱིར་ཉིན་ལྟར་ང་ཚོས་སྡིག་ཉེས་ཀྱི་ལས་བྱེད་ཅིང༌། དེའི་འབྲས་བུ་ནི་འཆི་བ་ཡིན། འཆི་བ་དེ་ནི་ཚེ་འདི་ལས་འདའ་བ་མ་ཟད། དཀོན་མཆོག་དང་བྲལ་ཏེ་དམྱལ་ཁམས་དུས་གཏན་དུ་སྡོད་དགོས་པ་དེའང་ཡིན།

[3.4] 答：需要做四件事。首先，承认你是个罪人。因为每个人都有犯罪的天性，都有罪。我们每天都犯罪，这个代价就是死亡。这种死亡不仅仅是肉体的消逝，还是与神隔绝，永远待在地狱里。

[3.5] གཉིས་པ་ནི་སྤྱོད་པ་ངན་པར་འགྱོད་བཤགས་དང་དེ་རྣམས་སྤངས་ནས་སེམས་བསྒྱུར་དགོས། སྡིག་ཉེས་སྤོང་བ་དེ་བཅོས་མིན་ཡིན་དགོས། སྤྱོད་པ་ངན་པ་རྣམས་མ་སྤངས་ན། མཐའ་མའི་ཉིན་མོར་དཀོན་མཆོག་གིས་ང་ཚོ་ལ་ཁྲིམས་གཅོད་མཛད་པར་འགྱུར་བ་མ་ཟད། དམྱལ་ཁམས་སུ་སྡིག་ཉེས་ཀྱི་ཉེས་ཆད་ཀྱང་མྱོང་བར་འགྱུར་ངེས་ཡིན།

[3.5] 第二，要从罪中悔改。我们必须诚心地悔改。若不悔改，神会在末日审判我们，我们将会在地狱里为我们的罪受罚。

[3.6] གསུམ་པ་ནི་ཡེ་ཤུ་ཁོ་ནར་དད་པ་བྱེད་དགོས། སྡིག་ཉེས་ཀྱི་ཉེས་ཆད་ང་ཚོའི་ཚབ་ཏུ་མྱོང་བའི་ཕྱིར་ཡེ་ཤུ་ནི་རྒྱང་ཤིང་སྒང་ལ་གྲོངས། ང་ཚོ་དཀོན་མཆོག་གི་སྤྱན་སྔར་རྣམ་པར་དག་པར་འགྱུར་བའི་ཕྱིར་ཁོང་འཆི་བ་ནས་སླར་གསོན་པར་གྱུར། ང་ཚོའི་སྡིག་ཉེས་ཀྱི་ཆད་པ་མྱོང་བའི་ཕྱིར་གཞན་སུའང་མ་ཤི་བས། མི་གཞན་དང༌། ཡང་ན་ལྷ་རྣམས་ལ་བརྟེན་ནས་ང་ཚོ་ཐར་བར་འགྱུར་མི་སྲིད།

[3.6] 第三，要单单相信主耶稣。他为我们的罪死在了十字架上，复活，使我们能与神和好。没有其他人为我们的罪经受刑法，所以，依靠其他人或事不能使我们得救。

[3.7] བཞི་པ་ནི་ཡེ་ཤུ་ལ་སྨོན་ལམ་འདེབས་དགོས། དཀོན་མཆོག་གི་དམ་པའི་གསུང་རབ་ལས་གསུངས་པ་ལྟར། གལ་ཏེ་ཁྱེད་ཀྱིས་ཁ་ཡིས་ཡེ་ཤུ་གཙོ་བོ་ཡིན་པ་ཁས་ལེན་བྱས་ཤིང༌། སེམས་ཀྱིས་ཀྱང་དཀོན་མཆོག་གིས་ཁོང་འཆི་བ་ནས་སླར་གསོན་པར་མཛད་པ་དེ་ལ་དད་པ་བྱས་ན། ཁྱེད་ངེས་པར་ཐར་བར་འགྱུར་རོ་ཞེས་གསུངས། མ་འོངས་པའི་སྐོར་མི་ཤེས་པས་ད་ལྟ་རང་དེ་ལྟར་བྱས་ན་ལེགས།

[3.7] 第四，要向耶稣祷告。正如圣经所说，“你若口里认耶稣为主，心里信神叫他从死里复活，就必得救。”我们不知道将来会如何，因此最好现在就开口祷告。

[3.8] ཡེ་ཤུར་དད་པའི་ལམ་བུ།

1. སྡིག་ཅན་ཡིན་པར་ཁས་ལེན་བྱེད།

2. སྤྱོད་ངན་སྤངས་ནས་སེམས་པ་སྒྱུར།

3. ཡེ་ཤུ་ཁོ་ནར་དད།

4. ཡེ་ཤུར་སྨོན་ལམ་འདེབས།

[3.8] 如何相信耶稣？

1. 承认你是一个罪人。

2. 悔改。

3. 只相信耶稣。

4. 向耶稣祷告。

[3.9] དྲི་བ། ཐར་པ་འཐོབ་པའི་ཆེད་དུ་སྨོན་ལམ་ཇི་ལྟར་འདེབས།

[3.9] 问：如何祷告才能获得主耶稣的救恩？

[3.10] ལན། འདི་ལྟར་སྨོན་ལམ་ཞུས་དང༌། གཙོ་བོ་ཡེ་ཤུ་ལགས། བླ་ན་མེད་པའི་དཀོན་མཆོག་གི་བཀའ་ལ་མ་ཉན་པའི་སྒོ་ནས་ངས་ཁྱེད་དང་མི་གཞན་ལ་སྡིག་ཉེས་ཀྱི་ལས་བྱས་པ་དེ་ཁས་ལེན་བྱེད། ད་ངས་སྤྱོད་པ་ངན་པ་རྣམས་སྤངས་ནས་སེམས་བསྒྱུར་ཏེ་ཁྱེད་ཀྱི་ཐུགས་རྗེ་ཁོ་ནར་བརྟེན་ནས་ཁྱེད་ལ་དད་པ་བྱེད། སེམས་ཀྱི་སྒོ་ཕྱེ་སྟེ་ཁྱེད་རང་ནང་ལ་གདན་འདྲེན་ཞུ། ད་ནས་བཟུང་ཁྱེད་ནི་ངའི་སྐྱབས་མགོན་ཡིན་ཞིང༌། ངས་ཁྱེད་ལ་ཞབས་ཕྱི་ཞུ། ཁྱེད་ཀྱི་ངོ་མཚར་ཆེ་བའི་ཐར་པ་ང་ལ་གནང་བའི་དོན་དུ་ཐུགས་རྗེ་ཆེ་ཞུའོ། །

[3.10] 答：要这样祷告：“主耶稣，我承认自己违背神的话语，得罪了你，也得罪了人。此刻，我悔改并相信你，单单信靠你的恩典。我要敞开心门，邀请你进来。从现在开始，你就是我的救主，我要服侍你，感谢你赐给我这奇妙的救恩。”

[3.11] དྲི་བ། ཡེ་ཤུ་ལ་དད་པ་བྱས་ནས་ཐར་པ་ཐོབ་པའི་རྗེས་སུ་ཅི་བྱེད་དགོས།

[3.11] 问：既然我已经相信主耶稣并且得救，那我应当做什么？

[3.12] ལན། བྱིས་པ་འཚར་ལོངས་བྱེད་པ་ལྟར། ཡེ་ཤུ་ལ་ཐོག་མར་དད་པ་རྣམས་ཐར་པའི་ཐོག་ནས་སྨིན་ཞིང་ཡོངས་སུ་རྫོགས་པར་འགྱུར་དགོས། དད་མཁན་རྣམས་ནི་རང་འདོད་པ་ལྟར་མི་ཚེ་མི་སྐྱེལ་ཏེ། དཀོན་མཆོག་གི་དགོངས་པ་ལྟར་མི་ཚེ་སྐྱེལ་དགོས། གཙོ་བོ་ཡེ་ཤུས་རང་གིས་གཙོ་བོ་དཀོན་མཆོག་ལ་བློ་གཅིག་སེམས་གཅིག་དང་ཡིད་གཅིག་གིས་བརྩེ་བར་ཟུངས་ཤིག འདི་ནི་བཀའ་རྒྱ་གལ་ཆེ་ཤོས་དང་དང་པོ་དེ་ཡིན། གཉིས་པ་དེ་དང་འདྲ་བ་ཡིན། དེ་ནི་ཁྱིམ་མཚེས་ལ་རང་དང་འདྲ་བར་བརྩེ་བར་ཟུངས་ཞེས་གསུངས། དེ་ལྟར་བྱེད་པའི་ཐབས་ཤེས་ལྔ་སྟེ། དཀོན་མཆོག་གི་དམ་པའི་གསུང་རབ་ཉིན་ལྟར་ཀློག་པའམ་ཉན་པ་དང་གཅིག ཉིན་ལྟར་དཀོན་མཆོག་ཁོ་ནར་བསྙེན་བཀུར་བྱེད་པ་དང་གཉིས། དད་ལྡན་གཞན་རྣམས་དང་མཉམ་དུ་འཛོམ་པ་དང་གསུམ། དཀོན་མཆོག་དང་མི་གཞན་ལ་བརྩེ་བར་འཛིན་པ་དང་བཞི། གཙོ་བོ་ཡེ་ཤུའི་སྐོར་མི་གཞན་རྣམས་ལ་དཔང་པོ་བྱེད་པ་དང་ལྔའོ། ཁྱེད་རྣམ་པ་ལ་ཕན་པའི་ཕྱིར་ www.gsungrab.org དྲ་ཚིགས་ལ་གསུང་རབ་ཚུད་པའི་ཕབ་ལེན་རྒྱུ་ཆ་མང་པོ་ཡོད།

[3.12] 答：婴儿需要长大，主耶稣的新信徒们也要在信仰上成长、完全。信徒们必须依神的旨意而活，而不能活在自己的欲望之中。主耶稣说：“你要尽心、尽性、尽意爱主你的神。这是第一条也是最大的戒命。第二条乃是这样：'你要爱邻如己。'”这样做的方式有五种：1）每天阅读圣经或聆听圣经的教诲；2）敬拜神，向他祷告；3）与其他信徒聚在一起；4）爱他人，并服侍他们；5）告诉他人关于主耶稣的故事。www.gsungrab.org 网址上可以为你提供许多相关资源。

[3.13] ཡེ་ཤུ་མཱ་ཤི་ཀར་རྗེས་སུ་འབྲང་བའི་ལམ་བུ།

1. དམ་པའི་གསུང་རབ་ཉིན་ལྟར་ཀློག་པའམ་ཉན།

2. ཉིན་ལྟར་དཀོན་མཆོག་ཁོ་ནར་བསྙེན་བཀུར་བྱེད།

3. དད་ལྡན་གཞན་རྣམས་དང་མཉམ་དུ་འཛོམ།

4. དཀོན་མཆོག་དང་མི་གཞན་ལ་བརྩེ་བར་འཛིན།

5. ཡེ་ཤུའི་སྐོར་ལ་མི་གཞན་རྣམས་ལ་དཔང་པོ་བྱེད།

[3.13] 如何跟随耶稣。

1. 每天阅读圣经，遵从圣经的话语。

2. 每天单单敬拜神。

3. 与其他信徒聚在一起。

4. 爱神，爱人。

5. 告诉他人关于主耶稣的故事

[4.1] དྲི་བ། དཀོན་མཆོག་གི་དམ་པའི་གསུང་རབ་ཅེས་པ་དེ་ཅི་ཡིན།

[4.1] 问：圣经是什么？

[4.2] ལན། དམ་པའི་གསུང་རབ་ནི་མི་རིགས་ཀུན་ལ་གནང་བའི་དཀོན་མཆོག་གི་བཀའ་ཡིན། དམ་པའི་གསུང་རབ་ལ་ཞལ་ཆད་རྙིང་པ་དང་ཞལ་ཆད་གསར་པ་ཟེར་བའི་ཆ་ཤས་གཙོ་བོ་གཉིས་ཡོད་ལ། དེ་ཚོ་བོད་ཀྱི་ལོ་རྒྱུས་བཀོད་པའི་སྔོན་གྱི་དུས་རབས་མང་པོའི་ནང་བྲིས་ཡོད་པ་ཞིག་ཡིན། ཞལ་ཆད་རྙིང་པ་ནི་ལོ་ངོ་ 2,500-3,000 སྔོན་དང༌། ཞལ་ཆད་གསར་པ་དུས་རབས་དང་པོའི་སྐབས་སུ་བྲིས། དེ་ནི་ཀྲུང་གོའི་ཧན་རྒྱལ་རབས་ཀྱི་དུས་སུ་ཡིན། ཞལ་ཆད་རྙིང་པ་ནི་ཡ་ཧུ་དཱ་པ་མི་རིགས་ཀྱི་ལོ་རྒྱུས་འཁོད་ཡོད། ཞལ་ཆད་གསར་པ་ལ་སྟོན་པ་ཡེ་ཤུའི་རྣམ་ཐར་དང༌། ཁོང་གི་ཆོས་ཚོགས་ཀྱི་ལོ་རྒྱུས་འཁོད་ཡོད། གསུང་རབ་ནང་དཀོན་མཆོག་གི་བདེན་པའི་བཀའ་དང༌། ཐར་པའི་ལམ། དྲང་པོའི་ཁྲིམས་སོགས་སྡིག་ཅན་ཐར་ཐུབ་པའི་དགའ་སྤྲོའི་འཕྲིན་བཟང་བཀོད་ཡོད། མདོར་ན། དཀོན་མཆོག་གི་སྐོར་གང་ཤེས་དགོས་པ་ཐམས་ཅད་དམ་པའི་གསུང་རབ་ནང་བཀོད་ཡོད།

[4.2] 圣经是神对人类所说的话语。共分为两个部分：旧约和新约。它们早在有关于西藏历史的记录之前就已写成。旧约写于2500-3000年前，新约写于公元一世纪左右，大约在中国的汉朝时期。旧约记录的是犹太人历史。新约记载的则是主耶稣及其教会。整本圣经包含了神真实的话语，救恩之路，公义的律法以及罪人得救赎的福音。总而言之，我们所有想要知道关于神的问题都在圣经之中。

[4.3] དྲི་བ། དཀོན་མཆོག་གི་དམ་པའི་གསུང་རབ་གང་ནས་འཐོབ་སྲིད།

[4.3] 问：我可以从哪里获得圣经？

[4.4] ལན། དམ་པའི་གསུང་རབ་ནི་ www.gsungrab.org དྲ་ཚིགས་ནས་ཕབ་ལེན་གནང་ན་ཆོག

[4.4] 答：你可以从www.gsungrab.org下载。