རྩོམ་པ་པོ། སྐུ་ཚབ་པའུ་ལུ།

རྩོམ་དུས། སྤྱི་ལོ་ 55 གཡས་གཡོན་ལ་འཕྲིན་ཡིག་འདི་བྲིས། (ལོ་རྒྱུས་དོན་ཆེན་རེའུ་མིག་ལ་གཟིགས་)

རྩོམ་རིག་གི་རྣམ་གྲངས། འཕྲིན་ཡིག

ཐོག་མའི་ཀློག་མཁན། ཀོ་རིན་ཐུ་གྲོང་ཁྱེར་ལ་སྡོད་མཁན་མཱ་ཤི་ཀ་པ་རྣམས། (གནའ་རབས་ཀྱི་ཀོ་རིན་ཐུ་གྲོང་ཁྱེར་གྱི་གནའ་ཤུལ་ནི་དེང་སྐབས་ཀྱི་གྷི་རིག་རྒྱལ་ཁབ་ཀྱི་ལྷོ་ཕྱོགས་སུ་ཡོད་)

ནང་དོན་གཙོ་བོ། སྤྱི་ལོའི་དུས་རབས་དང་པོའི་དུས་དཀྱིལ་ཙམ་ལ་སྐུ་ཚབ་པའུ་ལུ་ཡིས་ཀོ་རིན་ཐུ་གྲོང་ཁྱེར་ལ་ཆོས་ཚོགས་གཅིག་བཙུགས། ཆོས་ཚོགས་འདིར་རྙོག་དྲ་མང་པོ་ཡོད། དད་ལྡན་པ་རྣམས་ཀྱིས་གཉེན་སྒྲིག་དང༌། ལྷ་སྐུ་རྣམས་ལ་ཕུལ་བའི་ཟས། དམ་པའི་ཐུགས་ཉིད་ཀྱི་གནང་སྦྱིན། འཆི་བ་ནས་སླར་གསོན་པའི་སྐོར་རྩོད་བཞིན་ཡོད། མི་ཁ་ཤས་ཀྱིས་ཐ་ན་ལོག་གཡེམ་བྱས། དོན་དེ་རྣམས་ཀྱི་སྐོར་ཐོས་ཏེ་སྐུ་ཚབ་པའུ་ལུ་སེམས་འཁྲུགས་ནས་ཀོ་རིན་ཐུ་པའི་ནོར་འཁྲུལ་ཡོ་བསྲངས་བྱེད་པའི་ཆེད་དུ་འཕྲིན་ཡིག་འདི་བྲིས། འཕྲིན་བཟང་ལས་འབྱུང་བའི་ཤེས་རབ་ཀྱིས་ཁོང་གིས་ཁོ་རྣམས་ལ་དག་པའི་སྤྱོད་ལམ་དང་བྱམས་པ་ཡིས་མཉམ་དུ་གནས་དགོས་པའི་བཀའ་གནང༌། ཁོང་གིས་“དད་པ་དང༌། རེ་བ། བྱམས་པ་གསུམ་པོ་གནས་ཡོད་ཀྱང༌། དེ་ཚོའི་ནང་ནས་མཆོག་ཏུ་གྱུར་བ་ནི་བྱམས་པའོ་”ཞེས་བྲིས།