ལེའུ་གཉིས་པ།
1 དེ་ལྟར་འཇིག་རྟེན་ཁམས་དང་དེར་ཡོད་པ་ཐམས་ཅད་གྲུབ་བོ། 2 དཀོན་མཆོག་གིས་འཇིག་རྟེན་གྱི་ནང་ལ་ཇི་ཡོད་པ་བསྒྲུབས་ཚར་བའི་རྗེས་ཀྱི་ཉི་མ་བདུན་པ་ལ་ངལ་གསོས་ནས་བཞུགས་སོ། 3 དཀོན་མཆོག་གིས་ཉི་མ་བདུན་པ་དེ་དམ་པ་ཞིག་ཏུ་བྱིན་གྱིས་བརླབས། གང་ལགས་ཟེར་ན། ཉི་མ་དེ་ལ་ཁོང་གིས་མཛད་པའི་འཕྲིན་ལས་ཐམས་ཅད་བསྒྲུབས་ནས་ངལ་གསོས་ཏེ་བཞུགས་པའི་ཕྱིར། 4 དེ་ནི་འཇིག་རྟེན་ཁམས་བཀོད་པའི་ལོ་རྒྱུས་ཡིན་ནོ། །
ཨེ་དེན་གྱི་ལྡུམ་རའི་སྐོར།
7 དེ་ནས་ཡ་ཝེ་དཀོན་མཆོག ་གིས་ས་སྟེང་གི་ཐལ་བ་ལས་མི་ཞིག་བཟོས་གནང་སྟེ་དེའི་སྣ་ཁུང་ལ་སྲོག་གི་དབུགས་བླུགས་པས། མི་དེ་སྲོག་དང་ལྡན་པ་ཞིག་བྱུང་ངོ༌། 8 ཡ་ཝེ་དཀོན་མཆོག་གིས་ཤར་ཕྱོགས་སུ་ཡོད་པའི་ཨེ་དེན་ཞེས་པའི་ཡུལ་ལ་ལྡུམ་ར་ཞིག་བཟོས་གནང་སྟེ། ཁོང་གིས་མཛད་པའི་མི་དེ་ལྡུམ་ར་དེར་བཞག 9 དེ་ཡང་ལྡུམ་ར་དེའི་ནང་ཡ་ཝེ་དཀོན་མཆོག་གིས་ས་ནས་ཤིང་སྡོང་ལེགས་པོ་སྣ་ཚོགས་དང༌། དེ་རྣམས་ལ་འབྲས་བུ་ཞིམ་པོ་སྣ་ཚོགས་སྐྱེ་རུ་བཅུག ལྡུམ་ར་དེའི་དཀྱིལ་ལ་སྲོག་དང་ལྡན་པའི་ཤིང་དང༌། བཟང་ངན་རྟོགས་པའི་ཤིང་ཡང་སྐྱེ་བཅུག་པར་མཛད། 10 ཨེ་དེན་ཞེས་པའི་ཡུལ་ནས་ཆུ་ཞིག་ལྡུམ་རའི་ནང་རྒྱུགས་ཏེ་རྗེས་སུ་ཕྱིར་ཐོན་ནས་གཙང་པོ་བཞི་རུ་གྱུར། 11 གཙང་པོ་དང་པོའི་མིང་ལ་པི་ཤོན་ཟེར་ཞིང༌། དེ་ནི་ཧ་བི་ལ་ཞེས་པའི་ཡུལ་གྱི་མཐའ་ནས་རྒྱུག་གོ 12 ས་ཆ་དེར་ལྷད་མེད་པའི་གསེར་དང༌། དཀོན་པོའི་དྲི་ཞིམ་གྱི་ཆུ། གཟི་བཅས་ཐོན་གྱི་ཡོད། 13 གཙང་པོ་གཉིས་པའི་མིང་ལ་གི་ཧོན་ཡིན་ཏེ། དེ་ནི་ཀུ་ཤེ་ཞེས་པའི་ཡུལ་གྱི་མཐའ་ནས་རྒྱུག 14 གཙང་པོ་གསུམ་པའི་མིང་ནི་ཏི་ཀེ་ལི་སི་ཡིན་ཏེ། དེ་ནི་ཨ་སུར་ཞེས་པའི་ས་ཆའི་ཤར་ཕྱོགས་སུ་རྒྱུག གཙང་པོ་བཞི་པའི་མིང་ལ་ཡུ་ཧྥ་ལ་ཏི ་ཅེས་ཟེར་རོ། 15 ཨེ་དེན་གྱི་ལྡུམ་རའི་ནང་འདེབས་ལས་བྱེད་པ་དང་ལྡུམ་ར་སྲུང་བའི་ཕྱིར་ཡ་ཝེ་དཀོན་མཆོག་གིས་མི་དེ་དེར་བཞག་གནང༌། 16 ཡ་ཝེ་དཀོན་མཆོག་གིས་མི་དེ་