གླེང་གཞི།
ཁྱེད་ཀྱི་ཕྱག་ལ་ཡོད་པའི་དེབ་འདི་དཀོན་མཆོག ་གི་དམ་པའི་གསུང་རབ ་ལས་ཞལ་ཆད་གསར་པ་ཞེས་ཟེར། དཀོན་མཆོག་གི་དམ་པའི་གསུང་རབ་ནི་འཛམ་གླིང་སྟེང་གི་ཡོད་པའི་དེབ་རྩ་ཆེ་ཤོས་དེ་ཡིན། ཞལ་ཆད་གསར་པ་འདི་ཡིག་སྒྱུར་མཁན་ང་ཚོས་ཁྱེད་ཀྱིས་གང་གི་ཕྱིར་དེབ་འདི་ཀློག་དགོས་པ་དང༌། དེས་ཁྱེད་ལ་བྱིན་རླབས་ཇི་ལྟར་གནང་ཐུབ་པ་གསལ་བཤད་བྱེད་པར་འདོད། དམ་པའི་གསུང་རབ་ནི་བོད་རིགས་ཚུད་པའི་མི་རིགས་ཀུན་ལ་གནང་བའི་དཀོན་མཆོག་གི་བཀའ ་ཡིན།
བཀའ་དེ་ཀློག་མཁན་རྣམས་ལ་ཕན་ཐོགས་ཆེན་པོ་འཐོབ་སྲིད། དེའི་རྒྱུ་མཚན་ཡང༌། གཅིག་ནས་དཀོན་མཆོག་གི་བཀའ་ནི་བདེན་པའོ། དེ་མི་ཡིས་བརྩམས་པའི་བསླབ་བྱ་མ་ཡིན་ཏེ། འཇིག་རྟེན་ཁམས་དང་དེར་ཡོད་པ་ཐམས་ཅད་འགོད་གནང་མཁན་བླ་ན་མེད་པའི་དཀོན་མཆོག་གིས་གསུངས་པའི་བཀའ་ཡིན། དེས་ངེད་རྣམས་དང་འཇིག་རྟེན་གྱི་སྐོར་བདེན་པར་གསུངས་པ་དང༌། གཉིས་ནས་དམ་པའི་གསུང་རབ་ནང་དཀོན་མཆོག་དང་འབྲེལ་བ་ཡང་དག་པ་ཇི་ལྟར་འཐོབ་པའི་སྐོར་ང་ཚོས་ཤེས་ཐུབ། བཀའ་དེ་ནི་ང་ཚོས་དཀོན་མཆོག་ལ་དད་པ་བྱས་ནས་ཐར་པ ་འཐོབ་ཅིང་དུས་རྒྱུན་དུ་ཞི་བདེ་དང་དགའ་སྤྲོའི་ངང་ནས་ཁོང་དང་འཚོ་བའི་ཆེད་དུ་བྲིས། གསུམ་ནས་དཀོན་མཆོག་གི་བཀའ་ནི་ང་ཚོར་ཕན་པའི་ཆེད་དུ་གནང༌། གཙོ་བོ ་ཡེ་ཤུ ས་“བདེན་པ་ཉིད་ཅི་ཡིན་ཤེས་པའི་སྒོ་ནས་ཁྱེད་ཚོ་སྒྲོལ་བར་འགྱུར་”ཞེས་གསུངས། དཀོན་མཆོག་གི་བཀའ་ལ་མི་རྣམས་སྐྱོབ་པའི་ནུས་མཐུ་ཆེན་པོ་ཡོད། གང་ཡིན་ཟེར་ན། ལས་ངན་གྱི་འབྲས་བུ་ནས་སྒྲོལ་ཐུབ་པས་སོ། དཀོན་མཆོག་གི་བཀའ་ཡིས་ངེད་རྣམས་དམོད་མོའི་མཐུ་དང༌། གདོན་འདྲེ། འཆི་བའི་སོགས་ཀྱི་འཇིགས་པས་མི་ཚུགས། དེས་ལོག་གཡེམ་དང་དྲག་སྤྱོད་ཅིའང་མེད་པར་མི་རྣམས་ཀྱི་ཁྲོད་དུ་ཞི་བདེར་མི་ཚེ་སྐྱེལ་སྟངས་སྟོན། མ་ཟད་དེང་སང་མི་མང་པོས་མི་ཚེ་ནི་དོན་མེད་ཡིན་པར་སེམས་པས་རེ་བ་ཟད། འོན་ཀྱང་དཀོན་མཆོག་གི་བཀའ་ཡིས་ཁོ་ཚོར་རེ་བ་གནང་ཐུབ། གཙོ་བོ་ཡེ་ཤུས་“ཁྱེད་ཡིད་ཐང་ཆད་པ་དང་ཁུར་